Діни экстремизм мен терроризмнің алдын алу — қазіргі қоғамның ең өзекті мәселелерінің бірі. Жастардың діни сенімдерге деген қызығушылықтарының артуы экстремизм мен терроризм көріністерінің артуына әкелуі мүмкін.

Бүгінгі таңда әлеуметтік желідегі қауіпсіздік мәселелері және осы құбылыстарға қарсы тұру өзекті болып отыр. Осыған орай «Жастардың радикалдану психологиясы: Экстремизмге апаратын ішкі факторлар» тақырыбында жиналыс өткізілді. Іс-шараға Ақтөбе қаласындағы жеке және мемлекеттік білім беру ұйымдарының 200-ге жуық тәрбие ісі жөніндегі орынбасарлары мен мектеп психологтары қатысты.

Сондай-ақ құзырлы, мүдделі органдардың өкілдері де қатысып, кәмелетке толмағандар арасындағы радикалды идеологияның алдын алу шараларын түсіндірді.

Жастар мен жасөспірімдер тәрбиесінде және жеке тұлғаны қалыптастыруда осындай профилактикалық жұмыстардың маңызы зор.  

Материал Ақтөбе облысы ТҚК аппаратының ақпараты негізінде дайындалды

Источник: Антитеррористический центр Республики Казахстан