Білім беру ұйымдарында сапалы білім беруді қамтамасыз ету және балалардың қауіпсіздік деңгейін арттыру – басты міндеттердің бірі. Осы мақсатта жауапты құрылымдардың қатысуымен кезекті жиын өткізілді.

Аталған жиында, ҚР Оқу-ағарту министрінің 2022 жылғы 30 наурыздағы №117 бұйрығына сәйкес, білім беру ұйымдарын қажетті құрал-жабдықтармен қамтамасыз ету мәселесі қаралды. Сондай-ақ, білім беру мекемелерінің қауіпсіздігін күшейту бойынша атқарылып жатқан жұмыстар мен осы бағыттағы негізгі талаптар талқыланды.

Қазіргі таңда террористік тұрғыдан осал нысандар санатына жататын жеке білім беру ұйымдарының қауіпсіздігі ерекше назарға алынды. Жиын барысында оқу орындарында бейнебақылау жүйелерін орнату, кіріп-шығу бақылауын күшейту, мамандандырылған күзет қызметтерін тарту және төтенше жағдайлар кезінде әрекет ету алгоритмдерін жетілдіру қажеттілігі атап өтілді.

Соңында білім беру ұйымдарына қойылатын қауіпсіздік талаптарын қатаң сақтау және оқушылар мен педагогтердің қауіпсіздігін қамтамасыз ету мақсатында кешенді шаралар қабылдау туралы шешім қабылданды.

Материал Ақтөбе облысы ТҚК аппаратының ақпараты негізінде дайындалды

Источник: Антитеррористический центр Республики Казахстан