Түркістан облысы әкімінің кеңесшісі - Терроризмге қарсы іс-қимыл жөніндегі тобының басшысы        Қ. Өсербаевтың жетекшілігімен облыстық терроризмге қарсы комиссияның жұмысшы топ отырысы өткізілді.

Жиынға жұмысшы топ мүшелері, құзырлы орган қызметкерлері, дін істері басқармасының қызметкерлері қатысты.

Комиссияның белгіленген жұмыс жоспарына сәйкес, жиынның күн тәртібінде өңірдегі діни ахуал және деструктивті діни ағым жақтастарымен жүргізілген жеке оңалту жұмыстары, кәмелетке толмағандар арасында экстремизм мен терроризмнің алдын алу жөніндегі 2024-2026 жылдарға арналған Жол картасының орындалуы мен дене шынықтыру және спорт саласындағы діни экстремизмнің алдын алу бойынша 2024-2026 жылға арналған жол картасының іске асырылу мәселелері талқыланды.

Сонымен бірге, 2024 жыл қорытындыланып, 2025 жылға қойылған нақты жоспар талқыланды және тиісті мекемелерге тапсырмалар берілді.

Мәжіліс соңында аталған мәселелерді оңтайлы түрде шешу жолдары жайлы нұсқамалар берілді.

Материал Түркістан облысы бойынша ТҚК

аппаратының ақпараты негізінде дайындалды

Источник: Антитеррористический центр Республики Казахстан