Атырау облысы Терроризмге қарсы комиссиясының қолдауымен дін саласында қызмет ететін мамандар арасында «ATYRAU RUHANI FEST-2024» атты облыстық конкурс-фестивалі өтті.

Мақсаты – Атырау облысындағы дін саласының үздік мамандарын анықтау, бәсекеге қабілеттілікті арттыру, қызметтік әдістер мен тәсілдерді зерделеу негізінде үздік қызметкерлерді көтермелеу, ынталандыру.

 Фестивальға Атырау облысы Дін істері басқармасының басшысы Қ. Мусаев қатысты. Өз сөзінде жылы лебізін білдіре келе өткізіліп жатқан шараның маңыздылығына тоқталды. Басқарма басшысы сарапшылардың қоғамдағы рухани тұрақтылықты қамтамасыз етудегі рөлін ерекше атап өтті. Жыл бойы атқарылған істердің нәтижесін ерекше атай отырып, фестивальға қатысушыларға сәттілік тіледі.

Сонымен қатар халық назарына Атырау облысындағы медиа, оңалту, ақпараттық-түсіндіру, заң-ағарту бағытында атқарылған істердің барысы мен нәтижесі жөнінде ақпарат ұсынылды.

Фестиваль аясында 18 түрлі номинация бойынша үздік мамандар марапатталды.

Ең басты номинациясын – «Дін саласындағы жыл маманы» атағы барлық санаттарға сай келген үздік маман «Шапағат» радикалды  ағымдарға жапа шеккендерге көмек орталығы» қоғамдық қорының теологы С. Сариев ие болды. Жеңімпазға естелік мүсіні мен 100 000 теңге сыйақы табысталып, арнайы дипломмен марапатталды.

Сонымен бірге жыл басынан бері белсенді қызметімен көзге түскен мамандарға ҚР Мәдениет және ақпарат министрлігінің Дін істері комитетінің төрағасы Е. Нүкежанов пен Атырау облысы әкімінің орынбасары Д. Шамұратовтың атынан алғыс хаттар табысталды.

Фестиваль тек марапаттаумен шектелмей, ауқымды мәдени-рухани бағдарламалармен жалғасын тапты.

«Atyrau Ruhani Fest-2024» облыстағы терроризмге қарсы профилактика саласының мамандарының бір-бірімен тәжірибе алмасып, кәсіби дамуына зор мүмкіндік берді. Шара қоғамдағы тұрақтылықты сақтау, ұлттың мәдени және құндылықтарын дәріптеуде ерекше орын алды. Бұл фестиваль жаңа идеялар мен бастамалардың алаңына айналды, тек дін қызметкерлерінің ғана емес, жалпы қоғамның рухани және мәдени дамуына оң ықпалын тигізген ерекше шара болды.

Материал Атырау облысы бойынша Терроризмге қарсы

комиссия аппаратының ақпараты негізінде дайындалды

Источник: Антитеррористический центр Республики Казахстан