Діни экстремизмнің алдын алу бойынша ақпараттық-түсіндіру жұмыстарын жүргізу шеңберінде Маңғыстау облысы Полиция департаментінің жылдам қимылдайтын арнайы жасақ қызметкерлерімен кезекті маңызды іс-шара өткізілді.

 «Дін мәселелері бойынша ақпараттық-талдау орталығының» ақпараттық-түсіндіру тобының мүшесі А. Асылбекұлы Полиция департаментінің  жылдам қимылдайтын арнайы жасақ қызметкерлермен кездесу өткізіп, оларға діни экстремизмнің алдын алу және әлеуметтік желідегі сауаттылықты арттыру туралы түсіндіру сабағын өткізді.

Шара барысында қатысушылармен «Діни экстремизм мен терроризмнің алдын алу» және «Әлеуметтік желідегі сауаттылық» тақырыптары жан-жақты талқыланды. Спикер қызметкерлерге діни радикализмнің қоғамға тигізетін зияны, оның алдын алу жолдары және интернеттегі ақпараттық қауіпсіздік қамтамасыз ету бойынша нақты ұсыныстар берді.

Бұл шараның басты мақсаты – құқық қорғау органдары қызметкерлерінің діни экстремизм және терроризм мәселелері бойынша білімін жетілдіру, сондай-ақ әлеуметтік желілердегі сауаттылық деңгейін арттыру арқылы қауіпсіздік мәдениетін  қалыптастыру болып табылады.

Шара соңында қатысушылар өздерінің ойлары мен сұрақтарын ортаға салып, қажетті мағлұмат алып, ұйымдастырушыларға ризашылығын жеткізді.

Маңғыстыу облысы Дін істер басқармасының

ақпараты негізінде дайындалды

Источник: Антитеррористический центр Республики Казахстан