Тұрғындар мен ақсақалдардың ұсынысы бойынша Жезқазғандағы қалалық қорымның 6 гектар аумағы қоршалып, жолдары дұрысталды. Одан бөлек өткен жылы жезқазғандықтардың қатысуымен сенбілік жұмыстары ұйымдастырылып, аумағы тазартылды.

Сонымен қатар зираттардың маңайына шырақшылар үйі орнатылған. Алдағы уақытта ғимаратқа жылу жүргізіледі. Аталған жұмыстарды атқару үшін 70 миллион теңге бөлінді, одан бөлек, күтіп ұстау қызметтерін жүргізу үшін жыл сайын 16 миллион теңге қарастырылмақ.

Айта кетейік, зираттар аумағының тазалығын қамтамасыз ету мақсатында болашақта барлық қорым орталықтандырылатын болады.

Источник: Акимат области Ұлытау