Түркістан облысының ақпараттық-түсіндіру тобының мүшесі Бердуәлі Өтегеннің қатысуымен Кентау қаласының «№4 Балалар мен жасөспірімдер спорт мектебі» КММ, «Балалар мен жасөспірімдердің мамандандырылған облыстық футбол мектебі» КММ және «Кентау спорт клубы» КММ қызметкерлері арасында діни экстремизм мен терроризмнің алдын алу бойынша жалпы түсіндіру жұмыстары ұйымдастырылды.

Іс-шараның мақсаты – өңірдегі тұрғында арасында жат ағымдарға қарсы иммунитет қалыптастыру және ақпараттық түсіндірме жұмыстары арқылы халқымыздың діни ағымдар мен секталардың жетегінде кетуден сақтандыру болып табылады.

Кездесу барысында теріс діни ағымдардың белгілері, ұлттық қауіпсіздігімізге қатер төндіретін жат ағымдардан бойымызды аулақ ұстауға, және жастарды отансүйгіштікке тәрбиелеу туралы мәселелер де кеңінен қозғалды.

Тақырыпқа байланысты бірқатар сұрақтар төңірегінде ой-пікірлер ортаға салынып, тиісті жауаптар берілді.

Жалпы кездесулерге 40-тан астам азамат қатысты.

Материал Түркістан облысы бойынша ТҚО бөлімінің

ақпараты негізінде дайындалды

Источник: Антитеррористический центр Республики Казахстан