Атырау облысының жастарын дін саласына, ақпараттық-түсіндіру жұмыстары бойынша қызметке тарту, жастарды әдістемелік қолдау білдіру мақсатында Атырау облысы Дін істері басқармасының қолдауымен «Жәрдем-Атырау» КҚ-ның ұйымдастыруымен «Нұр-Мүбарак» Египет Ислам университетінің 2,3,4-курс студенттерімен Алматы қаласында «Қазіргі студент-болашақ маман» атты екі күндік кездесу-семинары өтті.

Семинардың кіріспе сөзін «Жәрдем-Атырау» КҚ-ның директоры, теолог Артур Айтмағамбетов сөйлеп, республикалық және жергілікті ақпараттық-түсіндіру топтарының қызметімен студенттерді таныстырды.

Жас мамандарға әдістемелік қолдау білдіріп, кәсіби кеңестері мен тәжірибелерімен бөлісу үшін Атырау облысы Дін істері басқармасының бас маманы Ерлан Ерғалиев  «Ақпараттық-түсіндіру жұмыстарында қолданылатын әдіс-тәсілдер»,«Діни қызмет және діни бірлестіктер туралы заң нормалары» тақырыптарында және «Шапағат» деструктивті діни ағымдардан жапа шеккендерге көмек орталығы» ҚҚ-ның директоры, дінтанушы Данияр Ғалиден «Деструктивті діни ағым идеологиясын ұстанушы тұлғаларды оңалту және осы саладағы мамандар білуі керек қағидалар» тақырыбында баяндама жасап, қатысты.

Сонымен қатар, жас мамандарға әлеуметтік желінің мүмкіндіктерін қарсы насихат жұмыстарында қолдану мақсатында SMM-мобилограф Айдана Жарылғап, копирайтер Асан Айзада, контентмейкер Баймағанбет Дәулет, мобилограф Сағидолла Абдулазиз студенттерге шеберлік сабақтарын өткізді.

Студенттер өңірдің дін саласында, ақпараттық-түсіндіру жұмыстарында қызмет етуге қызығушылық танытып, кездесу-семинарында белсенділіктерін байқатты. Алдағы уақытта жас мамандар ақпараттық-түсіндіру тобының құрамын толықтырып, онлайн немесе оффлайн форматта ақпараттық-түсіндіру жұмыстарын жүргізеді деп жоспарлануда.

Материал Атырау облысы Терроризмге комиссия

аппаратының ақпараты негізінде дайындалды

___________________________________________________

Источник: Антитеррористический центр Республики Казахстан