Атырау қаласында «Жәрдем-Атырау» корпоративтік корының ұйымдастыруымен діни экстремизм мен терроризмді алдын алу мақсатында бірқатар іс-шаралар өткізілді.

Келелі кездесулерге облыстық ақпараттық-түсіндіру тобының мүшелері Нариман Ермағанбетов, Нұрбек Жақсылықов және Мұрат Мұстафаев қатысты. Теолог мамандар Қазақстан Республикасы Сыбайлас жемқорлыққа қарсы іс-қимыл агенттігінің Атырау облысы бойынша департаментінің қызметкерлері, медициналық жоғары колледжі және Каспий өңірінің қазіргі замандағы колледж студенттерімен кездесті.

Жиында сарапшылармен теріс ағымдардың зардаптары, дәстүрлі дінді сақтау, жастардың дінді дұрыс түсінуі турасында ақпарат берілді. Сонымен қатар терроризм идеологиясының зардаптарын айта отырып, әкімшілік құқық бұзушылықтың алдын алу, дін аясында бірлікті, ауызбіршілікті сақтау маңызды екенін алға тартты.

Мемлекеттік қызметкерлер мен студенттер ұсынылған тақырыптарға қызыға түсті. Олар ой елегінде жүрген сұрақтарын қойып, толыққанды жауаптарын алды.

Материал Атырау облысы Терроризмге қарсы комиссия

аппаратының ақпараты негізінде дайындалды

____________________________________________________

Источник: Антитеррористический центр Республики Казахстан