2025 жылдың 12 ақпанында Солтүстік Қазақстан облысы әкімдігі Дін істері басқармасының бөлім басшысы Н.Нұрмағамбет және Конфессияаралық қатынастарды талдау және дамыту орталығының маманы Е.Березина Қазақстан Республикасының Стратегиялық жоспарлау және реформалар агенттігі Ұлттық статистика бюросы департаментінің қызметкерлерімен кездесу өткізді.

Шара ақпараттық-түсіндіру жұмыстары аясында өтіп, дін саласындағы өзекті мәселелерді талқылауға бағытталды.

Баяндаманың бірінші бөлігі дін саласындағы заңнамалық өзгерістерге арналды. Кездесуде қатысушыларға 2024 жылы еңгізілген өзгерістер түсіндірілді. Шараның екінші бөлімінде өңірдегі Конфессияаралық өзара әрекеттесу мәселесінің қазіргі жағдайы қарастырылды.

Іс-шараның қорытынды бөлімі ашық диалог форматында өтті. Мұнда қатысушылар өздерін қызықтырған сұрақтарын қойып, толық жауаптар алуға мүмкіндік алды.

Талқылау барысында өзекті мәселелер көтерілді, дін саласындағы құқық бұзушылықтардың алдын алу және азаматтардың құқықтық сауаттылығын арттыру бойынша ұсыныстар берілді.

Материал Солтүстік Қазақстан облысы ТҚК

аппаратының ақпараты негізінде дайындалды

Источник: Антитеррористический центр Республики Казахстан