Облыс әкімі Нариман Төреғалиев агроөнеркәсіп кешенінің дамуына өзіндік үлестерін қосып, саналы ғұмырын арнап жүрген барша жандарды кәсіби мерекемен құттықтады. - Ел Президенті Қасым-Жомарт Кемелұлы Тоқаев Қазақстан халқына Жолдауында да «Ауыл шаруашылығын дамыту – негізгі проблеманың бірі. Осы саладағы ахуал мемлекетіміздің азық-түлік қауіпсіздігіне тікелей әсер етеді» деп бұл саланың мемлекет үшін қаншалықты маңызды екенін нақтылап айтқаны белгілі. Ауыл шаруашылығының ел экономикасындағы мәні мен маңызы өте жоғары. Мемлекет тарапынан қабылданған бағдарламалардың нәтижесінде өңірімізде ауылшаруашылығын дамыту жүйелі түрде іске асырылып келеді. Сіздердің тынымсыз еңбектеріңіздің арқасында бүгінде отандық аграрлық сектордың көрсеткіштері жылдан жылға артып келеді. Сіздердің тынымсыз, әрі қажырлы еңбектеріңіз бен өз қолдарыңызбен аялап өсірген, шығарған әрбір өнімдеріңіз үшін алғыс айтамын. Ауыл шаруашылығы саласында еңбек етіп жатқан азаматтарға және ардагерлерге, барлық диқандар мен бағбандарға, малшыларға ерекше алғысымды және ризашылығымды бiлдiремiн. Баршаңызды төл мерекелеріңізбен шын жүректен құттықтай келе, дендеріңізге саулық, қажымас қайрат, отбасыларыңызға амандық, құт-береке, еңбектеріңізге мол табыс тілеймін,-деп облыс әкімі өз лебізін білдірді.Салтанатты шара барысында ауыл шаруашылығы саласында ұзақ қызмет еткендер еңбек ардагері, “ауыл шаруашылығы саласының үздігі” төсбелгілерімен және құрмет грамотасымен марапатталды.Бүгінгі таңда өңіріміздегі агроөнеркәсіп кешені саласында 48 мыңға жуық адам еңбек етуде.Осы жылдың 10 айының қорытындысы бойынша сала экономикадағы ең жоғары өсу қарқынын көрсетті. Ауыл шаруашылығының нақты көлем индексі 3,1%-ға ұлғайып, жалпы өнім 261,3 млрд. теңгені құрады.Елімізде ауыл шаруашылығы саласын дамытуға ұдайы назар аударылып отырады. Биылғы жылдың өзінде ауыл шаруашылығы саласын қолдауға мемлекет тарапынан 30,4 млрд. теңге қаржы бөлініп, мақсатқа сай игеру жұмыстары жүргізілуде.

Источник: ГУ «Аппарат акима Западно-Казахстанской области»