Діни экстремизмнің алдын-алу бойынша ақпараттық түсіндіру жұмыстарын жүргізу шеңберінде ағымдағы жылдың қазан айында Маңғыстау облысы Мұнайлы ауданы, мектеп қызметкерлерімен кезекті маңызды іс-шара өткізілді.

Бұл жолы Республикалық ақпараттық-түсіндіру тобының мүшесі, тарихшы және заңгер Б.Шопанова әйелдер арасында ақпараттық-түсіндіру жұмыстары өткізу мақсатында «Толеранттылық – бейбітшіліктің негізі» тақырыбында түсіндірме жұмыстарын жүргізіп, толық ақпарат берді.

Сонымен қатар, кәмелетке толмағандар арасында радикалды бағытты ұстанатын күрделі деңгейдегі оқушылармен жұмыстану жолдары үйретілді. Семинар барысында проблемалық жағдаятты баланың шешу жолдарын табу әдіс-тәсілдері айтылды.

Нәтижесінде, қызметкерлер тарапынан сұрақтарын ортаға салып, қажетті мағлұмат алып, ұйымдастырушыларға ризашылығын білдірді.

Материал Маңғыстау облысының ТҚК

аппаратының ақпараты негізінде дайындалды

Источник: Антитеррористический центр Республики Казахстан