Қазіргі таңда әлемнің көптеген елдерінде терроррлық акциялар орын алып, бейбіт тұрғындар қаза болуда.

Осыған байланысты, елімізде мемлекеттік органдардың терроризм көріністеріне қарсы тұруға бағытталған дайындығын күшейту өзекті болып отыр.

Аталған міндетті жүзеге асыру мақсатында, Қызылорда облысының аумағында терроризмге қарсы мемлекеттік органдардың қызметін жетілдіру көздейтін 8 командалық-штабтық оқу-жаттығу өткізілді.

Іс-шараны ҚР ҰҚК Қызылорда облысы және Байқоңыр қаласы бойынша департаментінің терроризмге қарсы орталығының бөлімі ұйымдастырып, оған Қызылорда облысының аймағындағы облыстық, қалалық және аудандық жедел штабының құрамындағы мемлекеттік органдың қызметкерлері қатыстырылды.

Осы ретте, оқу-жаттығудың негізгі мақсаты – жедел штаб мүшелерінің теориялық дайындық деңгейін көтеру, террористік қауіп-қатерлерге қарсы тұру алгоритмдерін біріздендіру және оларды тәжірибеде тиімді қолдануды қамтамасыз ету болып табылады.

Оқу-жаттығу барысында, жедел штаб мүшелерінің терроризмге қарсы операция кезіндегі функционалдық міндеттерін білу деңгейі бағаланып, терроризмге қарсы іс-қимыл саласындағы нормативтік-құқықтық актілер мен жедел штабтардың қызметін реттейтін бірлескен бұйрықтарды білу деңгейін анықтау мақсатында арнайы тестілеу жүргізілді.

Жалпы, өткізілген шара барысында облыс аймағындағы жедел штаб мүшелерінің дайындық деңгейі жоғары екендігі байқалып, функционалдық міндеттерін жетік меңгергені анықталып, терроризмге қарсы қауіпсіздік шараларын жетілдіру бағытында маңызды қадам болғаны анық.

Материал Қызылорда облысы бойынша ТҚК аппаратының ақпараты негізінде дайындалды

Источник: Антитеррористический центр Республики Казахстан