Осы тақырыпты арқау еткен кездесуде Ұлытау облыстық террористік тұрғыдан осал (бұдан әрі - ТТО) объектілердің тізіміне енгізілген оқу орындарының бірінші басшылары үшін ақпараттық-түсіндіру жұмыстары  жүргізілді.

Оған аймақтағы барлық білім беру саласындағы ТТО объектілердің меншік иелері, басшылары мен антитеррорлық қауіпсіздікке жауапты қызметкерлер қатысты. Сонымен қатар, Қаражал және Жаңаарқа, Ұлытау аудандарынан бейнебайланыс арқылы қосылды (барлығы - 135 қызметкер).

Алдымен, ТТО білім беру объектілерінің терроризмге қарсы қорғалуын ұйымдастыру, террористік қауіп туындаған жағдайдағы алғашқы әрекет ету алгоритмі пысықталып, қатысушылар назарына ҚР ТҚО штабы дайындаған оқулық бейнематериалдар ұсынылды. Алғашқы әрекет ету алгоритмінің маңыздылығымен қатар нормативтік құқықтық актілер бойынша түсіндірме жұмыстарына жан жақты тоқталды.

Сонымен қатар, ҚР Білім және ғылым министрлігінің 2022 жылғы 30 наурыздағы №117 бұйрығымен бекітілген «Қазақстан Республикасы білім беру саласындағы  қызметті жүзеге асыратын террористік  тұрғыдан осал объектілерінің терроризмге  қарсы қорғалуын ұйымдастыру  жөніндегі нұсқалығының» талаптары жеткізілді.

Қорытындылай келе, білім беру объектілерінде терроризм актісін жасауды барынша азайтуға ықпал ету мақсатында ТТО объекті басшылары мен антитеррорлық қауіпсіздігіне жауапты қызметкерлерге нұсқаулықтың талаптарына сәйкес, барлық ұжымды қамти отырып теориялық сабақтарды тоқсанына бір рет және практикалық сабақтарды жылына бір рет ұйымдастыру қажеттілігі ескертілді.

Материал Ұлытау облысы бойынша ТҚК аппаратының ақпараты негізінде дайындалды

Источник: Антитеррористический центр Республики Казахстан