Атырау қаласында «Жәрдем-Атырау» корпоративтік қорының ұйымдастыруымен діни экстремизм мен терроризмді алдын алу мақсатында бірақтар іс-шаралар өткізілді.

Атырау қаласындағы №32, №38, №39, «Binom school» және Қ.Смағұлов атындағы орта мектептерінде «Шапағат» деструктивті діни ағымдардан жапа шеккендерге көмек орталығы» қоғамдық қорының теолог мамандарынын қатысуымен «Жастар арасында деструктивті діни ағымдардың таралуының алдын алу» тақырыбында кездесулер өтті.

Шараға орта мектептің оқушылары, ата-аналары мен ұстаздары қатысты. Теолог мамандар қатысушыларға қазіргі замандағы дінге қатысты өзекті мәселелер, діни ағымдар, қауіп төндіретін факторлар, жастар тәрбиесі, жастардың діни сауаттылығы, ҚР діни қызмет және діни бірлестіктер туралы заңы, т.б. тақырыптар бойынша ой бөлісті.

Ата-аналар мен оқушылар ұсынылған тақырыптарға қызыға түсті. Олар ой елегінде жүрген сұрақтарын қойып, толыққанды жауаптарын алды.

Материал Атырау облысы Терроризмге қарсы комиссия

аппаратының ақпараты негізінде дайындалды

____________________________________________________

Источник: Антитеррористический центр Республики Казахстан