Жамбыл облысының әкімі Ербол Қарашөкеевтің төрағалығымен мемлекеттік және құқық қорғау органдары басшыларының қатысуымен терроризмге қарсы комиссияның кезекті отырысы өткізілді.

Отырыс барысында бағдарламалық құжаттардың іске асырылу барысына талдау жасалынды.

Облыс әкімдігінің дін істері басқармасының басшысы С.Мыңбаевтың қалыптасқан проблемалар және оларды шешу жолдары бойынша баяндамасы тыңдалды.

Білім басқармасының басшысы кәмелетке толмағандар арасында терроризм мен экстремизмнің алдын алу нәтижелерін жеткізді.

Бұдан бөлек, өңірдің қоғамдық-саяси ахуалына кері әсер етуі мүмкін факторлар мен алғышарттарды (этносаралық және еңбек қатынастары және т.б.) жою бойынша ішкі саясат басқармасының баяндамасы тыңдалды.

Сонымен қатар, терроризмге қарсы комиссия мүшелерінің назары басқа этностардың кәмелетке толмағандар арасында тәрбиелік сипаттағы іс-шараларды өткізудің маңыздылығына аударылды.

Жұмыс қорытындысы бойынша отырысқа қатысушыларға тиісті тапсырмалар берілді.

Материал Жамбыл облысы бойынша Терроризмге

қарсы комиссия аппаратының ақпараты негізінде дайындалды

Источник: Антитеррористический центр Республики Казахстан