ҚР ҰҚК Түркістан облысы бойынша департаментінің Терроризмге қарсы орталық бөлімінің ұйымдастыруы және Түркістан облысы ПД Экстремизмге қарсы іс-қимыл басқармасы қызметкерлерінің қатысуымен, облыстық білім басқармасының мәжіліс залында террористік тұрғыдан осал (бұдан әрі - ТТО) объектілердің тізіміне енген балабақшалардың басшылары мен меншік иелері, иелері немесе өзге де лауазымды адамдарына ҚР Білім және ғылым министрінің 2022 жылғы 30 наурыздағы №117 «Қазақстан Республикасының білім беру саласындағы қызметті жүзеге асыратын террористік тұрғыдан осал объектілерінің терроризмге қарсы қорғалуын ұйымдастыру жөніндегі нұсқаулықты бекіту туралы» бұйрығының талаптарын түсіндіру жұмыстары жүргізілді.

Іс-шараның мақсаты – облыс аумағындағы ТТО объектілердің терроризмге қарсы қорғалу деңгейін арттыру.

Мәжіліске алыс орналасқан аудандар «ZOOM» бағдарламасы арқылы қосылды (барлығы – 150 қызметкер). 

Іс – шараға қатысушыларға ТТО объектілерді терроризмге қарсы қорғауды ұйымдастыру жөніндегі нұсқаулықтың талаптары түсіндіріліп, ҚР ТҚО Штабы дайындаған оқу бейнематериалдары ұсынылды.

Сонымен бірге, нақты мысалдарды пайдалана отырып, объектілерде алғашқы әрекет ету алгоритмі және олардың айналасындағы күдікті адамдар мен заттарды анықтау, қылмыс жасау немесе қатер төндіру туралы хабарламаларды (телефон, почталық арна, электрондық почта және т.б.) лаңкестік әрекеттерді жасау, орнатылған жарылғыш заттар, қарулы шабуыл, сондай-ақ кепілге алдынған кезде, қалай іс-әрекет ету керектігі түсіндірілді.

Жиын қорытындысы бойынша, қатысушылар тарапынан сұрақтар қойылып, жауапты қызметкерлермен тұщымды жауаптар берілді.

Материал Түркістан облысы бойынша ТҚК

аппаратының ақпараты негізінде дайындалды

Источник: Антитеррористический центр Республики Казахстан