Түркістан облысы Терроризмге қарсы камиссиясының бастамасымен Шардара ауданында аудандық мәдениет үйінің қызметкерлерімен  «Дін және мәдениет», «Ұлтаралық және дінаралық татулық» тақырыптарында кездесу өткізілді.

Кездесуге аудандық ақсақалдар кеңесінің төрағасы Қ. Ілесов, аудандық ішкі саясат бөлімінің  әдіскері, теолог маманы А. Данияров, аудандық мәдениет үйінің қызметкері С. Бегманов қатысты.

Іс-шараның мақсаты – дін саласындағы тұрақтылықты қамтамасыз  ету, аудан тұрғындары арасында жат ағымдарға қарсы иммунитет қалыптастыру және ақпараттық түсіндірме жұмыстары арқылы тұрғындардың діни ағымдар мен секталардың жетегінде кетуден сақтандыру болып табылады.

Кездесу барысында «Бүгінгі таңда Қазақстан Республикасында 18 конфессия және 3800-ден аса діни бірлестік өзара татулықта өз қызметтерін атқарып келеді.

Яғни, Қазақстан көпконфессиялы мемлекет болып табылады. Қазақстан Республикасының Конституиясы мен Қазақстан Республикасының «Діни қызмет және діни бірлестіктер туралы» заңы азаматтардың ар-ождан бостандығына кепілдік берген.

2011 жылы 11 қазанда қабылданған ҚР «Діни қызмет және діни бірлестіктер туралы» заңының преамбуласында: «Қазақстан Республикасының өзін демократиялық, зайырлы мемлекет ретiнде орнықтыратынын, әркiмнiң ар-ождан бостандығы құқығын растайтынын, әркiмнiң дiни нанымына қарамастан тең құқылы болуына кепілдік беретінін, ханафи бағытындағы исламның және православиелік христиандықтың халықтың мәдениетінің дамуы мен рухани өміріндегі тарихи рөлін танитынын, Қазақстан халқының рухани мұрасымен үйлесетін басқа да діндерді құрметтейтінін, конфессияаралық келісімнің, діни тағаттылықтың және азаматтардың діни нанымдарын құрметтеудің маңыздылығын танитынын» негізге алатыны туралы аталып өткен», - деп, аудандық ақсақалдар  кеңесінің төрағасы Қ. Ілесов ұлттық құндылықтарды дарыту жайында сөз қозғады.

Кездесу қорытындысымен, арнайы келген қонақтар діни сауаттылық және тұрақтылық жайлы ойларын баяндап, жиынға қатысушылар тарапынан қойылған сұрақтарға жауап берілді.

Аталған іс-шара барлық  қала, аудандарда жалғасын табатын болады.

Материал Түркістан облысы бойынша ТҚК

аппаратының ақпараты негізінде дайындалды

Источник: Антитеррористический центр Республики Казахстан