Түркістан облысы Терроризмге қарсы комиссиясының бастамасымен Отырар ауданында радикалды діни ағымдардың алдын алу мақсатында ақпараттық-түсіндіру жұмыстары жүргізілді.

Кездесуге Түркістан облысы Дін істері басқармасы «Дін мәселелерін зерттеу орталығы» КММ-нің бөлім басшысы Жалғас Жорабек, аудандық ішкі саясат бөлімінің бас маманы Ғалымжан Сарсеков қатысты.

Кездесудің мақсаты - дін саласындағы тұрақтылықты сақтау, діни экстремизм мен радикалды діни ағымдардың алдын алу, ұлттық құндылықтарды насихаттау, шетелде діни білім алу қауіптілігі жайлы түсіндіру.

Іс-шара алдымен "А. Дәрібаев", "Жамбыл", "Т. Ибрагимов" жалпы білім беретін мектептерінде жоғары сынып оқушыларымен өткізіліп, М. Шойманов ауылдық мәдениет үйінде жалғасын тапты.

Кездесу барысында АТТ мүшелері тарапынан жастар мен ауыл тұрғындарына қоғамдағы радикалды ағымдар және олардың арбауына түсу мәселесі жөнінде ақпарат берілді.

Сонымен бірге, діни білім алуда жастарға отандық діни оқу орындарында оқудың маңызды екені және қазіргі кезде ұялы телефонға, әлеуметтік желілерге шырмалған халықтың, әсіресе жастардың діни сауатсыздығы мен білместігінен заңға қайшы келетін іс әрекеттер жасау мүмкіндігі және оның соңы қылмыстық жауапкершілікке алып келетіндігі туралы айтылды.

Қорытындылай келе, оқушылар және тұрғындар тарапынан сұрақтар қойылып, жауапты мамандармен мардымды жауаптар берілді.

Жиынға барлығы 500-ге жуық тұрғын мен оқушылар қамтылды.

Материал Түркістан облысы бойынша ТҚК

аппаратының ақпараты негізінде дайындалды

Источник: Антитеррористический центр Республики Казахстан