А.ж. 12-14 ақпан күндері аралығында Түркістан облысы әкімдігі жанындағы Терроризмге қарсы комиссия (әрі қарай – ТҚК) аппараты құрамында жұмысшы топ құрылып (облыстық ТҚК аппараты, ҰҚКД, ПД, Дін істері басқармасының Дін мәселелерін зерттеу орталығы), Сарыағаш (12.02.2024ж.), Мақтаарал және Жетісай аудандарына (13.02.2024ж.) қызметтік іс-сапарлар ұйымдастырылды.

Қызметтік іс-сапарлардың мақсаты – аудандық ТҚК-ның қызметіне әдістемелік-тәжірибелік көмек көрсету, жұмыс барысында туындаған мәселелерінің шешімдерін қарастыру және 2024 жылы атқарған жұмыстарына баға беру болып табылады.

Іс-сапарлар барысында аудандық ТҚК кезектен тыс отырыстары шақырылып (комиссия мүшелері, құзырлы органдардың басшылары мен бас имамдарының қатысуымен), өңірдегі ДДА жақтастары арасындағы экстремизм мен терроризмнің алдын алу бойынша жұмыс деңгейі төмен немесе жұмыстарын тиісті деңгейде ұйымдастырмаған бөлім басшылары (аудандық ішкі саясат, білім, полиция) тыңдалды.

Сонымен бірге, комиссия мүшелері тарапынан баяндамашыларға тиісті сұрақтар қойылып, аталған бағытта жұмысты жүйелі ұйымдастыруды тапсырды.

Отырыстардың қорытындысы бойынша аудандық ТҚК қызметіндегі орындаушылық тәртіп туралы мәселелері қаралып, сын-пікірлер айтылды және жұмыстарды жандандыру бағытында тиісті хаттамалық тапсырмалар берілді.

Материал Түркістан облысы бойынша ТҚК

аппаратының ақпараты негізінде дайындалды

Источник: Антитеррористический центр Республики Казахстан