Алматы облысының орталығы Қонаев қаласында орналасқан терроризм тұрғысынан осал аса маңызды нысандар ретінде танылған Полиция департаменті мен «Жылу орталығында» тәжірибелік оқу-жаттығу өткізілді.

Іс шара шартты сценарий бойынша жүзеге асырылды. Аталған күзетілетін нысандардың белгісіз адамның кіруі мен жарылғыш заттарды қалдыру жағдайлары қарастырылды.

Нәтижесінде, объектілердің қызметкерлері бекітілген алгоритмге сәйкес жедел түрде әрекет етіп, күдікті адамның ғимарат аумағына өтуіне жол бермеді.

Оқу-жаттығу барысында ден қою дайындықтарының деңгейі тексеріліп, тиісті баға берілді.

Алматы облысы Ұлттық қауіпсіздік комитеті департаментінің терроризмге қарсы күрес бөлімінің басшысы аталған нысандардың қорғалуының маңыздылығын түсіндіріп, алдағы уақытта осындай сақтықпен күзетуді тапсырды.

Болашақта өңірде көптеген объектілік тәжірибелер өткізілу жоспарлануда.

Материал Алматы облысы бойынша ҰҚК

департаментінің ақпараты негізінде дайындалды

___________________________________________________

Источник: Антитеррористический центр Республики Казахстан