Түркістан облысы Терроризмге қарсы комиссияның бастамасымен Арыс қаласында дін мәселелері бойынша жұмыс жүргізетін ақпараттық-түсіндірме топ мүшелерінің қатысуымен Абай атындағы мектеп лицейінің, Б.Момышұлы, Ә.Жангелдин және М.Әуезов атындағы жалпы білім беретін мектептердің жоғарғы сынып оқушылары арасында «Шетелдегі күмәнді діни оқу орындарында білім алудың қаупі» тақырыбында жиын өтті.

Кездесудің мақсаты – жастарға шетелде діни білім алудың қаупі мен оның зардаптарын кеңінен түсіндіру, шетелде діни білім алуға ниет білдіруші жастардың алдын алу, дәстүрлі дін және жат пиғылды діни ағымдардың не екендігін ұқтыру және өңірдегі жастар арасында жат ағымдарға қарсы иммунитет қалыптастыру, ақпараттық түсіндірме жұмыстары арқылы келешек буынның діни ағымдар мен секталардың жетегінде кетуден сақтандыру.

Кездесу барысында аталмыш тақырыпқа байланысты бірқатар сұрақтар қойылып, ой-пікірлер айтылды. Кездесулерге 400-ден астам азамат қатысты.

Жиын соңында ақпараттық-түсіндірме топ мүшелері буклеттер таратты,  мектеп ұстаздары мен оқушылар дінге қатысты сұрақтарын қойып, жан-жақты жауаптарын алды.

«Түркістан» телеарнасының журналисі

Ж. Тастемір

Источник: Антитеррористический центр Республики Казахстан