ҚР ҰҚК Қызылорда облысы және Байқоңыр қаласы бойынша департаментінің Терроризмге қарсы орталығы бөлімінің қызметкерлері Шиелі және Жаңақорған аудандарында дәріс сабағын өткізді.

Іс-шараға аудандарда орналасқан террористік тұрғыдан осал объектілер (ТТО) тізбесіндегі білім, денсаулық сақтау, мәдениет және спорт нысандарының басшылығы мен персоналы қатысты. 

Дәріс барысында жаңадан қабылданған сала бойынша нұсқаулықтардың талаптары жеткізіліп, ТТО объектілерін инжинерлік-техникалық қамтамасыз етілуі жайында сөз қозғалды.

Сонымен қатар, күзет қызметінің жұмысына тоқталып, аталған сала мамандарының қызметіне ерекше көңіл бөлу қажеттігі ескертілді.

Қатысушыларға оқулық бейнематериалдар, жарылғыш заттардың түрлері және террористік сипаттағы қауіп төнген кездегі алғашқы әрекеттер бойынша жадынамалар көрсетілді.

Кездесу қорытындысы бойынша ТТО объектілерінің басшылығына нысандардың қорғалу деңгейін  күшейту бағытында бірнеше нұсқаулар берілді.

Материал ҰҚК Қызылорда облысы және Байқоңыр қаласы

бойынша Департаментінің ақпараты негізінде дайындалды

______________________________________________________________

Источник: Антитеррористический центр Республики Казахстан