АППАРАТ БАСШЫСЫ СӘТБАЕВ УНИВЕРСИТЕТІ ЖАТАҚХАНАЛАРЫНЫҢ ДАЙЫНДЫҚ БАРЫСЫМЕН ТАНЫСТЫ

ҚР Ғылым және жоғары білім министрлігі аппаратының басшысы Мадияр Қожахмет Сәтбаев университетіне келді. Сапар мақсаты университет жатақханаларының инфрақұрылымымен танысу және жаңа оқу жылына дайындығын бағалау болды.

Аппарат басшысы университет жатақханаларын аралап, ондағы жөндеу жұмыстарының барысы мен сапасын бағалады, сондай-ақ «Jasyl El» жобасы аясында жөндеу жұмыстарына қатысып жүрген университет студенттерімен кездесті.

Студенттерді жатақханаға орналастыру мәселелерін шешуге арналған ситуациялық орталықтың жұмысына ерекше назар аударылды. Орталық студенттерді жатақханаға шұғыл түрде және тиімді орналастыруды қамтамасыз етуде маңызды рөл атқарады.

Сапар барысында қонақтар университет студенттері мен қызметкерлеріне медициналық қызмет көрсететін «Almaty clinic» медициналық орталығында да болды.

Кездесу соңында Мадияр Қожахмет студенттердің оқуы мен өмір сүруіне лайықты жағдай жасау жөніндегі жұмысты жалғастырудың маңыздылығы мен қажеттілігіне тоқталды.

видео

Источник: Министерство науки и высшего образования Республики Казахстан