Түркістан облысының Арыс қаласы аумағында дін мәселелері бойынша жұмыс жүргізетін ақпараттық-түсіндірме топ мүшелері мен Түркістан облысының дін істері басқармасы «Дін мәселелерін зерттеу орталығы» КММ-нің теолог маманы А. Дүйсеннің қатысуымен №1 балалар жасөспірімдер спорт мектебінің спортшылары және Арыс қаласындағы жалпы білім беретін мектептердің жоғарғы сынып оқушылары арасында «Радикалды ағымдардан сақтандыру» тақырыбында жиын өтті.

Кездесудің мақсаты – білім алушылар арасында дәстүрлі дінімізді таныту, діни сауаттылықты арттыру, мәдени мұра мен дәстүрлерді насихаттау арқылы қоғамдық санаға теріс әсер етуден қорғау және ақпараттық түсіндірме арқылы әлеуметтік желілердің қаупі мен зияны туралы түсіндірме жұмыстарын жүргізу.

Іс-шара барысында оқушыларға Қазақстанда тұратын барлық конфессиялар мен этностардың бейбіт өмір сүруіне, Қазақстан халқының мәдениеті мен рухани мұрасына, радикалды идеялардың зияндылығына бағытталған дін саласындағы мемлекеттік саясаттың мәні туралы ақпарат берілді және тақырыпқа байланысты буклеттер таратылып, бейнероликтер көрсетілді.

Кездесу ашық диалог алаңы форматында өткізіліп, дін төңірегінде ой-пікірлер ортаға салынды және сұрақтарға жан-жақты жауаптар берілді.

Кездесуге барлығы 200-ге жуық білім алушылар мен қызметкерлер қатысты.

Материал Түркістан облысы бойынша ТҚК

аппаратының ақпараты негізінде дайындалды

Источник: Антитеррористический центр Республики Казахстан