Алматы облысының орталығы Қонаев қаласындағы мектептердің бірінде терроризмге қарсы оқу-жаттығу өтті.

Іс-шараның негізгі мақсаттары - терроризмге қарсы жедел штаб пен оның жедел топтарының дайындық деңгейін арттыру және техникалық құралдардың тұрақты жұмыс істеуін бақылау. Одан бөлек, қауіп төнген жағдайда оқушылар, мұғалімдер мен қызметкерлердің қауіпсіздікті дұрыс сақтап, жедел әрекет етуіне бағдарлау болып табылады.

Оқу-жаттығу барысында террористік тұрғыдан 

осал объектілердің

қорғалуын ұйымдастыру жөніндегі нұсқаулық аясында бекітілген алгоритмдер тәжірибе жүзінде пысықталды. Сонымен қатар білім беру объектісінде техникалық құралдардың яғни, дабыл түймесі, турникет және бейнекамералардың жұмыс істеуі және жеке күзет ұйымдарының жедел әрекет етуі тексерілді.

Қатысушыларға мектепте террористік акт болған жағдайда шартты террористтермен кепілге алынған адамдарды босату бойынша терроризмге қарсы операция кезінде келіссөздер жүргізудің маңыздылығы түсіндірілді. Жедел штаб басшылары айтқандай, мұндай оқу-жаттығулар жоспарға сәйкес тұрақты түрде жүргізіліп тұрады.

 

Материал Алматы облысы бойынша

ҰҚК Департаментінің ақпараты негізінде дайындалды

___________________________________________________________

Источник: Антитеррористический центр Республики Казахстан