Павлодар, Ақтөбе, Атырау, Жетісу облыстары және Шымкент қаласы әкімдерінің төрағалығымен жергілікті жерлерде терроризмге қарсы комиссиялардың кезекті отырыстары өтті.

Аталған өңірлердің ТҚО құрамына кіретін барлық мемлекеттік органдардың қатысуымен терроризмге қарсы іс-қимыл саласындағы неғұрлым өзекті бағыттар қаралды.

Ерекше назар аударуды қажет ететін мәселелер шеңберінде баяндамалар жасалды. Халық арасында, әсіресе, жастар арасында алдын алу шараларын күшейтуге баса назар аударылуда.

Кездесулер барысында орын алған, тіпті болмашы проблемаларды шешуге мақсатты түрде қарау керектігі баса айтылды. Жергілікті атқарушы органдардың басшыларына оларды жоюға барынша күш салу тапсырылды.

Мемлекеттік органдармен жүктелген міндеттерді тиісінше орындау мақсатында барлық қаралған мәселелер бойынша шаралар әзірленіп, отырыс хаттамаларына енгізілді.

Материал Павлодар, Ақтөбе, Атырау, Жетісу облыстары

мен Шымкент қаласы Терроризмге қарсы комиссиялар

аппараттарының ақпараты негізінде дайындалды

__________________________________________________

Источник: Антитеррористический центр Республики Казахстан