Жастар арасында діни жат ағымның алдын алуда қазіргі күні ақпараттық-түсіндіру жұмыстары оң нәтижесін беруде. Осы орайда «Облыстық балалар кітапханасы»КММ-да «Діни экстремизм мен терроризм - қазіргі заман мәселесі» атты кездесу өткізілді. Кездесуге қала жастары, оқушылар қатысты (30 адам).

«Жәрдем-Атырау» КҚ-ның ұйымдастыруымен, Атырау облысы Дін істері басқармасының ықпалымен өткен жиынға ақпараттық-түсіндіру тобының мүшелері, «Жәрдем-Атырау» КҚ-ның теолог маманы Ринат Қалмазұлы, «Шапағат» ҚҚ-ның теолог маманы Ринат Орынғали және «Нұр-Мүбарак» университетінде білім алып жатырған болашақ дін мамандары, яғни машықкерлер қатысып, рухани әрі ақпараттық кездесу өткізді.

Экстремистік ұйымдар көбіне жастарды нысанаға алатынын, өйткені олар эмоцияға берілгіштігін, жалған діни насихатқа түспеу үшін діни сауаттылықтың маңызы зор екенін жеткізді.

Ресми діни мекемелер мен ғалымдардың пікіріне сүйену, білімге ұмтылу және зайырлы қоғамда бейбітшілікті сақтау туралы сөз етті.

Шара соңы түрлі сұрақтармен өрбіп, спикерлер тарапынан тұшымды жауаптар берілді.

Атырау облысы әкімдігінің баспасөз қызметі

Источник: Антитеррористический центр Республики Казахстан