Шымкент қаласы Дін істері басқармасының мемлекеттік әлеуметтік тапсырысы негізінде қараша айында бірнеше театрландырылған көрсетілімдер ұйымдастыру жоспарланған болатын.

15-16 қараша күндері Шымкент қаласында Сайрам тұрғын алабындағы қалалық өзбек драма театрында терроризм идеологиясының қаупін түсіндіру, тұрғындар арасында діни иммунитетті қалыптастыру мақсаттарында тағылымды іс-шара өтті.

Көрермендерге «Қазақ шыңы» қоғамдық бірлестігі дайындаған «ТОР» (өзбекше «Қафас») тақырыбындағы қойылым ұсынылды. Оны тамашалауға тұрғындар мен колледж студенттері, жалпы 350-ден астам шымкенттіктер жиналды.

Спектакльде әлеуметтік желілерден радикалды уағызшылардың құрығына түскен азаматтың басынан кешкен оқиғалары баяндалады.

Театрланған көрсетілім көптің көңілінен шығып, келушілердің қошеметіне бөленді.

Материал Шымкент қаласы бойынша

Терроризмге қарсы комиссия

аппаратының ақпараты негізінде дайындалды

____________________________________________

Источник: Антитеррористический центр Республики Казахстан