Созақ ауданында Түркістан облысы әкімінің кеңесшісі Илхам Абулхайровтың төрағалығымен терроризмге қарсы комиссияның кезекті жиыны өтті.

Мәжіліске облыстық терроризмге қарсы комиссия аппаратының мүшелері және қала, аудан әкімдерінің жауапты орынбасарлары, құзырлы мекемелердің өкілдері қатысып, күн тәртібіндегі бірнеше мәселелерді қарастырды.

Іс-шараны аудан әкімінің орынбасары Серік Маманов ашты.

Бүгінгі таңдағы діни ахуал және жеке оңалту шараларының барысы жайында ішкі саясат бөлімінің басшысы Ерлан Раймқұлов хабарласа, аудан әкімдігі жанындағы Терроризмге қарсы комиссия қызметінің жұмыс барысы және осы бағыт бойынша биылғы жылға арналған жұмыс жоспары туралы Созақ ауданы әкімі аппараты заң бөлімінің басшысы, аудандық Терроризмге қарсы комиссия хатшысы Ұлжан Жақсылыққызы баяндады.

Қаралған мәселелер бойынша ұсыныстар ортаға салынып, кең көлемде талқыланды. Сондай-ақ, осы бағытта атқарылар тиісті шараларды тұрақты түрде іске асыру арқылы ТҚК жұмыстарының сапасын арттыру мәселелері де қозғалды.

Сонымен қатар, ауданға арнайы жұмыс сапарымен келген Түркістан облысы әкімінің кеңесшісі - Терроризмге қарсы комиссия аппаратының жетекшісі Илхам Абулхайров бастаған жұмысшы топ өкілдері аудан имамдарымен кездесу өткізді.

Материал Түркістан облысы терроризмге қарсы комиссия

аппаратының ақпараты негізінде дайындалды

__________________________________________________________

Источник: Антитеррористический центр Республики Казахстан