Жетісу облысында орналасқан орта мектептер оқуышыларымен «Экстремизімнің бастауы – діни сауатсыздық» тақырыбында облыстық ТҚК және діни істер басқармасы ММ «Дін және оңалту саласында проблемаларды зерттеу орталығы» КММ тараптарынан ақпараттық-түсіндіру жұмысы жүргізілді.

Мақсаты – мектептегі жоғарғы сынып оқушыларына ислам діні туралы ғылыми көзқарастарын қалыптастырып, қоғамдағы ислам дінін жамылған және өзге діндердің ұстанымдарының бағытына түсіп кетуден сақтануға үйрету. Отанымызды сүю, ата-бабаларымыздың рухани сенімін құрметтеу, имандылық, адамгершілікке тәрбиелеу.

Кездесу барысында теологтар діни жат ағым, радикалды ағым, діни идеология бойынша түсіндірме жұмыстарын жүргізіп, жат ағымнан аулақ болуға шақырды.

Психолог мамандары психологиялық тренинг өткізіп, оқушылармен «Мақал-мәтелді тап», «Сиқырлы стакан», «Сандар сөйлейді» жаттығуларын орындады. Шара соңында оқушылар сұрақтар қойып, өз ойларымен бөлісті.

Материал Жетісу облысы бойынша ҰҚКД

ТҚО бөлімі ақпараты негізінде дайындалды

Источник: Антитеррористический центр Республики Казахстан