Алматы облысы Еңбекшіқазақ ауданы, Достық ауылында орналасқан «Достық» орта мектебінде жұмыссыздар, аудан және ауыл тұрғындары, ата-аналар арасында «Радикалды діни ағымдардың қоғамға қауіптілігі» тақырыбында кездесу өткізілді.

Кездесуге спикер ретінде дінтану мамандығы бойынша гуманитарлық ғылымдар магистрі, Әл-Фараби атындағы ҚазҰУ-нің PhD докторанты Әл-Фараби Болатжан Нұрбекұлы қатысты. Іс-шараға жалпы саны 30 адам қамтылды.

Кездесудің мақсаты – тұрғындарға деструктивті ағымдардың қауіптілігі туралы жан-жақты ақпарат беру және олардың діни сауаттылығын арттыру болды. Әл-Фараби Болатжан Нұрбекұлы радикалды ағымдардың қоғамға тигізетін зияны мен олардың алдын алу жолдары туралы маңызды мәліметтермен бөлісті.

Іс-шара барысында қатысушылар өздерін қызықтырған сұрақтарды қойып, дін саласындағы өзекті мәселелер бойынша түсініктемелер алды.

Бұл кездесу тұрғындардың діни білімін арттыруға және экстремизм мен терроризмге қарсы тұруға бағытталған маңызды қадам болды.

Материал Алматы облысы бойынша ТҚК

аппаратының ақпараты негізінде дайындалды

Источник: Антитеррористический центр Республики Казахстан