ҚР ҰҚК Қызылорда облысы және Байқоңыр қаласы бойынша департаментінің ТҚО бөлімінің ұйымдастыруымен терроризмге қарсы күрес жөніндегі Арал және Қазалы аудандық жедел штабтарының (АЖШ) қатысуымен командалық-штабтық оқу-жаттығу өткізілді.

Іс-шараның негізгі мақсаты терроризмге қарсы операция өткізуге тартылған АЖШ құрамындағы жедел топтардың теориялық дайындық деңгейін көтеру, терроризм актісінің жолын кесуге арналған ведомствоаралық өзара іс-қимыл әрекеттерін жетілдіру болып табылады.

Осы ретте, терроризмге қарсы күрес жөніндегі аудандық жедел штаб құрамындағы топтардың террористік сипаттағы оқиғалар көрініс берген кезеңіндегі қызметтік міндеттерін жүзеге асыруға дайындық деңгейіне, сондай-ақ терроризмге қарсы операцияны өткізуге қатысатын қызметкерлердің тәжірбиелік дағдысына баға берілді.

Жалпы ұйымдастырылған іс-шара АЖШ құрамындағы жедел топтардың дайындық деңгейі мен теориялық білімінің жоғарлауына негіз болды.

Материал Қызылорда облысы және Байқоңыр қаласы бойынша

ҰҚК департаментінің ақпараты негізінде дайындалды

___________________________________________________________

Источник: Антитеррористический центр Республики Казахстан