Ақтөбе облысында терроризмге қарсы күрес жөніндегі облыcтық жедел штабының террористік сипаттағы қылмыстарға төтеп беру дайындығын тексеру мақсатында оқу-жаттығу өткізілді.

Іс-шараға облыстық терроризмге қарсы күрес жөніндегі жедел штабының тактикалық жедел тобының күш-құралдары жұмылдырылып, арнайы жасақпен жұмыс істеу алгоритмі пысықталды.

Оқу-жаттығу барысында терроризмге қарсы күрес жөніндегі Ақтөбе облыстық жедел штабының терроризмге қарсы операция жүргізуі, сондай-ақ терроризм актілерінің жолын кесу жөніндегі өзара іс-қимылы көрсетілді.

Қорытындысы бойынша жиын өткізіліп, жедел штабтың жұмысына қатысты нормативтік құқықтық актілерді білу деңгейін анықтау мақсатында тестілеу жұмыстары өткізілді.

Жаттығуға қатысқан жедел топтар жақсы нәтижелер көрсетіп, оң бағаға ие болды.

Материал Ақтөбе облысы бойынша

ҰҚК департаментінің ақпараты негізінде дайындалды

___________________________________________________________

Источник: Антитеррористический центр Республики Казахстан