ҰҚК Түркістан облысы департаменті басшылығының бұйрығына сәйкес террористік тұрғыдан осал «Конгресс-холл» көпсалалы кешенінде және «Khanshaiym plaza» сауда ойын-сауық кешенінде тәжірибелік оқу-жаттығулар өткізілді.

Іс-шаралардың басты мақсаты - террористік тұрғыдан осал объектілердің, сондай-ақ күзет қызметін жүзеге асыратын субъектілердің режимін, терроризм актісінің жасалуына кедергі келтіруге, оның жасалуын имитациялай отырып, салдарын азайту мен жоюды қамтамасыз етуге дайындығын бағалау.

Жаттығуға Түркістан облысының мемлекеттік және арнайы құқық қорғау органдарының шұғыл ден  қою  күштері мен техникалық жабдықтары жұмылдырылды.

Соңында «Конгресс холл» көпсалалы кешені және «Khanshaiym plaza» сауда ойын-сауық кешенінің  қызметкерлерімен объектілердің терроризмге қарсы қорғалуын күшейту мәселесі бойынша түсіндіру жұмыстары жүргізіліп, дайындалған арнайы бейнематериалдар көрсетілді және бейнематериалдарды әрі қарай концерт залдарында қойылымдардан алдын халыққа таныстыру үшін ұсынылды.

Материал Түркістан облысы бойынша ҰҚК

департаментінің ақпараты негізінде дайындалды

_____________________________________________

Источник: Антитеррористический центр Республики Казахстан