Ағымдағы жылдың 18 ақпанында Солтүстік Қазақстан облысы әкімдігінің Дін істері басқармасы базасында жұмыс кеңесі өтті. Оған ҚР ҰҚК СҚО бойынша департаменті Терроризмге қарсы орталығы бөлімінің қызметкерлері, СҚО полиция департаменті экстремизмге қарсы іс-қимыл басқармасының және Петропавл қаласындағы діни нысандардың басшылары қатысты.

Кездесудің негізгі тақырыбы – діни ғимараттар мен террористік тұрғыдан осал нысандардың терроризмге қарсы қорғалуын қамтамасыз етуге қатысты қолданыстағы заңнама мен нұсқаулықтар болды. Қатысушылар қоғамдық тәртіпті сақтауға бағытталған өзекті қауіпсіздік шараларын талқылады.

Кеңес қорытындысы бойынша нысандардың қорғалу деңгейін арттыру бойынша нақты ұсыныстарды жүзеге асыру туралы шешім қабылданды. Бұл шаралар бейнебақылау жүйесін жетілдіруді және діни нысандар қызметкерлерін антитеррорлық қауіпсіздік негіздеріне оқытуды қамтиды.

Сала мамандары мемлекеттік құрылымдар мен діни ұйымдар арасындағы өзара әрекеттестіктің маңыздылығын атап өтіп, бірлескен күш-жігер қауіп-қатерлерді барынша азайтуға және діни нысандарға келушілердің қауіпсіздігін қамтамасыз етуге көмектесетініне сенім білдірді.

Материал СҚО ТҚК аппаратының ақпараты

негізінде дайындалды

Источник: Антитеррористический центр Республики Казахстан