Алматы облысы Дін саласындағы мәселелерді зерттеу орталығы терроризмге қарсы іс-қимыл туралы ақпараттандыруды арттыру мақсатында мемлекеттік қызметкерлер арасында профилактикалық іс-шара ұйымдастырды. Мемлекеттік қызметкерлердің экстремистік ұйымдардың ықпалына енудің алдын-алу мақсатында құқықтық сауаттылықты арттыру және сыни көзқарасты дамытуға баса назар аударылды.

Іс-шараға Талғар ауданы әкімі аппаратының қызметкерлері қатысты. Негізгі спикер ретінде «Дін саласындағы мәселелерді зерттеу орталығының» маманы Сәдуақасов Қанат Сессияұлы аталған шараны жүргізіп, радикалды деструктивті діни идеологияның белгілері туралы егжей–тегжейлі айтып, экстремистік ұйымдардың қолданатын манипуляцияларын анықтап, алдын-алу әдістерімен бөлісті.

Сонымен қатар іс-шара ақпараттық кеңістікте күдікті адамдардан діни білім алуға және дін туралы ақпарат іздеу үшін интернет-ресурстарды пайдалануға байланысты тәуекелдерді талқылауды қамтыды.

Шара соңында қатысушылар мұндай бастамалар қызметкерлерге радикалдануға және экстремистік ұйымдардың ықпалына қарсы иммунитетті дамытуға көмектесетініне сенім білдірді.

Материал Алматы облысы бойынша 

ТҚК аппаратының ақпараты негізінде дайындалды

Источник: Антитеррористический центр Республики Казахстан