Алматы облысының орталығы Қонаев қаласының 4 орта мектебінде (Ш. Уәлиханов атындағы №2 гимназиясы мен №3 орта мектебі, Талғар қаласындағы №1 лицей-интернаты және Іле ауданы, Байсерке ауылындағы №9 орта мектебі) терроризмге қарсы оқу-жаттығу өткізілді.

Іс-шара барысында «Білім беру объектілерінде терроризмге қарсы қорғауды ұйымдастыру жөніндегі нұсқаулық» аясында бекітілген алгоритмдер тәжірибе жүзінде пысықталды.

Оқу-жаттығудың негізгі мақсаты – техникалық құралдардың тұрақты жұмыс істеуін бақылаудан бөлек, қауіп төнген жағдайда оқушылар, мұғалімдер мен қызметкерлердің қауіпсіздік ережелерін дұрыс сақтай отырып, жедел әрекет етуін бағдарлау болып табылады.

Іс-шараны өткізу кезінде мектеп ұжымына терроризмге қарсы қорғауды ұйымдастыру жөніндегі алгоритмдер нұсқамасы беріліп, тиісті деңгейде орындалуы қадағаланды.

Сонымен қатар Ұлттық қауіпсіздік комитетінің қызметкерлері мектептердегі дабыл батырмасының, турникет және бейнекамералардың жұмыс істеуі және жеке күзет ұйымының жедел әрекет етуін тексерді.

Айта кету керек, оқу-жаттығу тек профилактикалық мақсатты көздейді. Білім беру ұйымдарын терроризмнен қорғау, қауіптің алдын алу үшін өңірде мұндай жаттығулар тұрақты түрде жүргізіледі.

Материал Алматы облысы бойынша ҰҚК

департаментінің ақпараты негізінде дайындалды

Источник: Антитеррористический центр Республики Казахстан