Түркістан облысы дін істері басқармасының ұйымдастыруымен облыс жастарын имандылыққа, отансүйгіштікке тәрбиелеу, терроризм идеологиясынан сақтау және діни сауаттылықты арттыру мақсатында оқушылар арасында өткен мектепаралық шығармашылық бәйге жеңімпаздары марапатталды.

Аталған шараға аумақтағы білім беру мекемелерінен 100-ге жуық оқушылар қатысып, өзара бақ сынасты.

Іс-шараның басты мақсаты облыс аумағында деструктивті діни ағымдардың таралуының алдын алу, діни экстремизм мен терроризм белгілерінен сақтану, ұлттық құндылықтарды кеңінен насихаттау, жастар арасында патриоттық рухты күшейту және отбасы мен ұстаздарынан алған тәлім-тәрбиесін үлгі ретінде облыс көлемінде тарату болып табылады.

Жүзден жүйрік атанған оқушылар мен олардың жетекшілеріне марапат қағаздары мен қаржылай сыйлықтар табысталды.

Қазылар алқасының көңілінен шығып, ерекше көзге түскен Түркістан қаласы, №19 Төлеби атындағы жалпы білім беру мекемесінің оқушысы Жақсылық Толғанай бас жүлде иегері атанды.

Материал Түркістан облысы бойынша Терроризмге қарсы

комиссия аппаратының ақпараты негізінде дайындалды

____________________________________________________

Источник: Антитеррористический центр Республики Казахстан