Шымкент қаласының Дін мәселелерін зерттеу орталығының бөлім басшысы, теолог Т.Байманова қатысуымен «Азимед» медициналық колледжінің студенттеріне ақпараттық түсіндіру жұмыстары ұйымдастырылды.

Кездесу барысында «Экстремизм», «Терроризм», «Кереғар діни ағымдардан сақтану», «Жасөспірімдер арасында өз-өзіне қол жұмсау», «Радикализм» тақырыптарында баяндамалар жасалды.

Кездесуде қоғамдағы жат діни ағымдардың насихат жұмыстарының алдын алу, ақпарат кеңістігіндегі теріс діни ағымдардың үгіт-насихаттарына тосқауыл қою, дәстүрлі діни иммунитетті қалыптастыру, сонымен қатар, дінге қатысты сұрақтар туындаған жағдайда тек қана ресми парақшалар мен дін саласының мамандарынан ақпарат алу қажеттігі түсіндірілді.

Жиын барысында бүгінгі қоғамдағы рухани, мәдени және әлеуметтік мәселелер туралы кеңінен әңгіме өрбіді.

Іс-шара барысында қазіргі таңдағы дінге байланысты өзекті мәселелер сөз болып, жастарға дұрыс бағыт-бағдар берудің маңыздылығы айтылды.

Материал Шымкент қаласы бойынша ТҚК

аппаратының ақпараты негізінде дайындалды

Источник: Антитеррористический центр Республики Казахстан