Атырау облысы Дін істері басқармасының қолдауымен, «Жәрдем-Атырау» КҚ-ның ұйымдастыруымен Тасқала және Еркінқала ауылдық округінің әкімдігінде АТТ мүшелері қандас тұрғындар арасында «Қазақстан халқының рухани құндылықтарын қалыптастырудағы ұлттық дәстүрлердің рөлі» атты кездесу өткізді.

Кездесуге АТТ мүшелері «Жәрдем-Атырау» КҚ-ның теолог-маманы Ринат Қалмазұлы, тарихшы Уттибаев Назар және қор маманы Белова Вероника қатысып, ақпараттық-түсіндіру жұмысын жүргізді.

Мамандар қоғамда белең алып жатқан жат діни ағымдардың зияны мен зардабы, оларды ажыратудың жолдарын баяндады. Әлеуметтік желілерде өздерінің теріс идеологияларын насихаттау мақсатында дәстүрлі дінімізді бұрмалап жүрген уағыздаушылар туралы ақпарат беріп, сақтану қажеттігін ескертті.

Сонымен қатар діни сауаттылықтың, ұлттық келісімнің сақталуының маңыздылығы түсіндірілді.

Дәріс барысында тұрғындар тақырыпқа қатысты ой елегінде жүрген сұрақтарына тиісті жауаптарын алып, дәріс соңында өз алғыстарын білдірді.

Материал Атырау облысы бойынша ТҚК аппаратының ақпараты негізінде дайындалды

Источник: Антитеррористический центр Республики Казахстан