Шымкент қаласы әкімінің орынбасары С.Құранбектің төрағалығымен «Террористік тұрғыдан осал объектілерінің терроризмге қарсы қорғалуы» тақырыбында кеңейтілген жиналысы өтті.

Жиналысқа Шымкент қаласы әкімдігінің жанындағы терроризмге қарсы комиссия жұмыс органының мүшелері және білім беру, спорт, мәдениет ұйымдарының жалпы 350 басшылары қатысты.  

Арнайы, құқық қорғау органдары тарапынан террористік тұрғыдан осал, яғни адамдар көп шоғырланатын объектілерінде қауіпсіздікті қамтамасыз ету және терроризмге қарсы қорғалу шаралары түсіндірілді.

Объектілер аумағында терроризм актілерінің алдын алу, күдікті затты анықтау және техногендік сиппаттағы төтенше жағдайлар кезіндегі халыққа арналған әрекет алгоритмдері бейнекөрсетілімдерімен кеңінен насихатталып, ұсыныстар мен сұрақтарға тиісті жауаптар берілді.

Материал Шымкент қаласы бойынша ТҚК

аппаратының ақпараты негізінде дайындалды

Источник: Антитеррористический центр Республики Казахстан