Петропавл қаласында терроризм идеологиясын алдын алу мақсатында 25-ші орта мектептің ата-аналарымен кездесу өтті.

Аталған жиында Дін Істері Басқармасының бас маманы Н. Нұрмағамбет және Конфессияаралық қатынастарды дамыту және талдау орталығының теологы Н.Беков ата-аналарға Қазақстан Республикасының Дін саласындағы заңнаманың негізгі талаптары мен құқық бұзушылықтары туралы айтып, жат ағымдардың негізгі белгілерін айқындады.

Сондай-ақ әлеуметтік желілер арқылы теріс ағымға тарту әдістерін, зайырлы мемлекеттің қағидаттары туралы да сөз қозғалды.

Кездесуге қатысушылар белсенді түрде қатысып, өз сұрақтарын қойды. Мамандар сауалдарға толық жауаптар берді.

Бүгінгі таңда мектептердің ата-аналарымен кездесу іс-шаралары әліде жалғасуда.

Материал Солтүстік Қазақстан облысы бойыншаҰҚК департаментінің ақпараты негізінде дайындалды

____________________________________________________________

Источник: Антитеррористический центр Республики Казахстан