2024 жылдың 27-29 тамыз күндері Алматы облысының Қарасай ауданындағы «Алтын орда» сауда саттық орнында өзін-өзі жұмыспен қамтыған азаматтар және еңбек мигранттары арасында экстремизм мен терроризмнің алдын алу мақсатында Open Air форматында 3 күндік акция ұйымдастырылды.

Шара барысында қатысушыларға арнайы дайындалған ақпараттық материалдар, парақшалар мен буклеттер таратылды. Қатысушылар экстремизм мен терроризмнің алдын алу мәселелері бойынша ашық сұхбаттар мен пікір алмасуларға қатысты.

Түсіндіру жұмыстарын Әл-Фараби атындағы Қазақ ұлттық университетінің магистрі Әліп Тұрсынғали Төреғалиұлы және заңгер Айдын Нукенов жүргізді. Олар өздерінің білімдері мен тәжірибелерін пайдалана отырып, қоғамды экстремизм мен терроризмнің алдын алу мәселелері туралы ақпараттандыруға арналған маңызды түсіндіру жұмыстарын жүзеге асырды.

Акцияның мақсаты – қоғамды экстремистік және террористік қауіптерден қорғау, азаматтардың құқықтық сауаттылығын арттыру және қоғамдағы әлеуметтік тұрақтылықты нығайту болып табылады.

Қарасай ауданындағы «Алтын орда» сауда орнында өткен бұл шараға қатысушылардың белсенділігі мен қызығушылығы үлкен оң нәтиже берді.

Материал Алматы облысы бойынша ТҚК

аппаратының ақпараты негізінде дайындалды

Источник: Антитеррористический центр Республики Казахстан