Терроризм көріністерінің алдын алуға бағытталған профилактикалық іс-шаралар жоспарына сәйкес Сайрам аудандық ақпараттық- түсіндіру тобының мүшелері тарапынан Манкент ауылының орталығында орналасқан кәсіпкерлік нысандарда тиісті түсіндіру жұмыстары жүргізілді.

Кездесуде 50-ге жуық кәсіпкерге дәстүрлі емес діни ағымдардың іс-әрекеттері, кереғар діни ағымдардың алдын алу, дін саласындағы тұрақтылықты қамтамасыз ету және дәстүрлі діни құндылықтардың негіздері түсіндірілді.

Іс-шара барысында Түркістан облысының дін істері басқармасы «Дін мәселелерін зерттеу орталығы» КММ-нің теолог маманы Ж.Битанов, Сайрам ауданының ішкі саясат бөлімінің бас маманы М.Бақтиярұлы әлеуметтік желі арқылы діни білім алудың зияны, террористтік тұрғыдан осал объектілерде қандай да бір террористік іс-әрекеттер немесе қауіпті, белгісіз заттарға куә болған кезде жасалатын іс-қимылдар мен әрекеттердің алгоритмі баяндалды.

Аталған іс-шара жергілікті халық тарапынан оң қабылданып,  қатысушылардың діни сауаттылығын арттыруға өз ықпалын тигізді.

Материал Түркістан облысы Терроризмге қарсы

комиссия аппаратының ақпараты негізінде дайындалды

_______________________________________________________

Источник: Антитеррористический центр Республики Казахстан