Ақтөбе облысында радикалды идеологияны насихаттаған сотталғандарға қатысты қылмыстық іс қаралып, оларға қатаң жаза тағайындалды.

ҚР Ұлттық қауіпсіздік комитетінің (ҰҚК) Ақтөбе облысы бойынша департаменті 2024 жылғы 2 қыркүйекте №8 түзету мекемесінде жазасын өтеп жатқан екі азаматтың радикалды идеологияны насихаттағанын анықтады. Тергеу барысында «К.Б.» және «К.Ж.» есімді сотталушылардың терроризмді насихаттау, терроризм актісін жасауға шақыру және әлеуметтік, ұлттық, рулық, нәсілдік, тектік-топтық немесе діни алауыздықты қоздыру әрекеттеріне барғаны дәлелденді.

2025 жылдың 25 қаңтарында №2 Ақтөбе қалалық сотының үкімімен «К.Б.» 12 жылға, ал «К.Ж.» 9 жыл 6 ай мерзімге бас бостандығынан айырылды. Олардың бұрынғы өтелмеген жаза мерзімдері жаңа үкімге қосылып, жазаларын қатаң режимдегі түзету мекемесінде өтеуге шешім қабылданды. Бұл үкім заңды күшіне енді.

Материал Ақтөбе облысы бойынша ҰҚКД

ТҚО бөлімі ақпараты негізінде дайындалды

Источник: Антитеррористический центр Республики Казахстан